Sí viðheftu leinkjur:

TSF formansfrágreiðing 2010

TSF roknskapur 2009/10

 

Fundarfrágreiðing og tíðindi um nýggju nevndina og forsetan eru ávegis.

 

 

INNBJÓÐING:

 

Talvsamband Føroya hevur ársaðalfund fríggjadagin, tann 15. oktober 2010, kl. 17.00, í hølum Havnar Telvingarfelags.  

Uppskot til viðgerðar á aðalfundinum skulu vera skrivlig og skulu vera nevndini í hendi í seinasta lagi 14 dagar áðrenn aðalfundin, t.v.s. tann 24. september 2010.

 

Uppskot skulu verða liðugt orðað – sett fram av talvfeløgum ella nevnd TSF – og greið at seta til atkvøðugreiðslu.

 

Skrá sambært lógunum:

 

1. Formaðurin greiðir frá virki felagsins í farna ári
2. Framløga av grannskoðaðum roknskapi til góðkenningar
3. Nevndarval
4. Val av 2 grannskoðarum
5. Val av 2 dómsnevndarlimum
6. Innkomin uppskot
7. Limagjald
8. Ymiskt 

 

Í nevndini sita:

 

Jógvan Joensen, form. (tekur ikki við afturvali)

Finnbjørn Vang

Jákup á Rógvu Andreasen

Klæmint Hansen

Dávur Jacobsen (tekur við vali)

 

Nevndin hevur uppskot til lógarbroyting í lógum felagsins:

 

Uppskotið verður sett fram av skattatekniskum orsøkum, til tess at varðveita skattafrælsi. Í skattalóggávuni verður í hesum sambandi kravt, at tað í viðtøkunum verður ásett, hvussu farið verður fram, um felagsskapurin verður avtikin. Ásetingin skal veita trygd fyri, at ognirnar fara til “alment góðgerin ella kirkjulig, manngóð, listalig, vísindalig ella tílík endamál.”

 

TAKS er av teirri fatan, at galdandi áseting lýkur ikki lógarkravið.

 

Núverandi grein er orðað soleiðis:

 

Ҥ11

1. Felagið kann verða avtikið, tá ið minsta lagi ¾ av limunum ynskja tað
2. Skuldi felagið verið avtikið, verða allar ognir tess latnar føroyskum peningastovni í varðveitslu at handa nýggjum føroyskum talvsambandi, um og tá slíkt verður stovnað.” 

Nevndin skjýtur upp at §11 verður orðað soleiðis:

 

Ҥ11

1. Felagið kann verða avtikið, tá ið minsta lagi ¾ av limunum ynskja tað
2. Skuldi felagið verið avtikið, verða allar ognir tess latnar til alment góðgerin ella kirkjulig, manngóð, listalig, vísindalig ella tílík endamál.”

 

Nevndin mælir aðalfundinum til at samtykkja uppskotið.

 

Møtið fjølment !

 

NEVNDIN

Føroyska manningin var sera spent, undan seinasta umfarinum, tí teir vistu, at megnaði Olaf javnt, kom normurin til høldar. Sannlíkindini eru vanliga ikki stór, tá stórmeistari situr hinumegin borðið.

Men djarva telvingin, bar – aftur hesuferð – á mál. Trivaligur javnleikur.

Stórtalentið úr Havnini, hevur av álvara tikið alt og øll á bóli. Frá ungum av hava evnini verið heilt serlig.

Men á ein hvønn hátt, hava telvarar ótolnast eftir, nær løtan kom.

Í 2010 kom Føroyameistara-heitið og IM-normur til høldar.

Hjartaliga tillukku til tín og tíni nærmastu !

(½-½) GM Manuel Hoyos Leon (2579) – IM Helgi Dam Ziska (2439)
(0-1) GM Juan Carlos Z. Gonzalez (2564) – IM John Rødgaard (2352)
(½-½) GM Jose Garcia Gonzalez (2543) – Olaf Berg (2274)

(1-0) GM Gilberto G. Hernandez (2540) – FM Carl Eli Nolsøe Samuelsen (2262)

Hóast stórmeistarar á hvørjum borði, høvdu Helgi og Olaf ongar trupulleikar at fáa javnt, meðan John Rødgaard av álvara setti punktum við frálíkum sigri.

OL er av á hesum sinni.

Landsliðið helt fast um 50% úrtøku, sum áhaldandi er tað vit í minsta lagi skulu røkka. Í 11 landsdystum vórðu bert 4 tap – ímóti USA, Serbia, Albania og Uspekistan. Hini 7 umførini borðreiddi landsliðið við 4 sigrum og 3 javnleikum.

Ovaru borðini høvdu áhaldandi trupla mótstøðu og vardu seg manniliga. Men heilt sermerkt er avrikið á niðaru borðunum, har Olaf Berg, Jóan Hendrik og Carl Eli – av álvara – prógvaðu sínar dygdir á altjóða talvpallinum.

Ukraina vann OL-gull í harðari kapping við vertirnar úr Russlandi, meðan Ísrael vann bronsu. Heldur ikki hesuferð megnaðu russar at fáa fatur aftur á endanum – tí totala dominansinum, sum teir gjøgnum talvsøguna hava prógvað.

Føroyar endaði í miðjum høpi – nr. 80 av teim 149 luttakandi tjóðunum.

Lagt varð upp til eina javna uppgerð, har liðini vórðu seedaði ávikavíst nr. 83 og 88, sum eisini vísti seg at halda, tá avtornaði.

(0-1) IM John Rødgaard (2352) – Saleh A.R. Salem (2501)
(1-0) Olaf Berg (2274) – Jasem Al Huwar (2265)
(0-1) FM Carl Eli Nolsøe Samuelsen (2262) – Ali Ali Omar Noaman (2220)

(1-0) Jóan Hendrik Andreasen (2217) – FM Marwan Abdulwahab (2089)

John gjørdi mistak, sum innibar tapta støðu tíðliga í talvinum, meðan Carl Eli telvdi sera orkufrekt og var – at síggja til – ávegis einum sera vøkrum sigri. Men Ali fann júst røttu loysnina við máthóttan á 1. raði.

Olaf og Jóan Hendrik telvdu – við omanfyri 70 leikum – stútt og trygt mótstøðuna av borðinum. Enn eitt umfar, har teir hálaðu sigrar til høldar.

Í 11. og seinasta umfarinum, er mótstøðulandið Mexico, sum er seedað nr. 36, t.v.s. heili 47 pláss fremri enn Føroyar, sum er seedað nr. 83. Krútsterk mótstøða, har altjóða meistarar, við ratingtali omanfyri 2500, manna øll borðini.

 

Úrslitið av landsdystinum ímóti Zambia, í 9. umfarinum á Talvolympiaduni í Russlandi, gjørdist javnleikur 2-2.

(1-0) Stanley Chumfwa (2315) – IM Helgi Dam Ziska (2439)
(½-½) FM Daniel Jere (2267) – IM John Rødgaard (2352)
(½-½)   Kelvin Chumfwa (2214) – FM Carl Eli Nolsøe Samuelsen (2262)

(0-1) Andrew Kayonde (0) – Jóan Hendrik Andreasen (2217)

Føroyar var í útgangsstøðinum favorittur at vinna uppgerðina, við atliti at ratingtølunum, men Zambia hevur staðið seg væl á Olympiaduni og samanumtikið var úrslitið tískil ikki heilt av leið.

Helgi yvirsá í tíðarneyðini eina taktiska vending, sum innibar brádligt tap, meðan John og Carl Eli, kanska til tíðir høvdu munin, sum tó ikki eydnaðist at umseta til sigur.

Annan dagin upp í slag sigraði Jóan Hendrik Andreasen á 4. borði og hevur sostatt – av álvara – fingið brodd í telvingina.

Í 10. umfari er mótstøðulandið Sameindu Arabisku Emiratini, sum er seedað nr. 88, t.v.s. nærum ájavnt við Føroyar, sum er seedað nr. 83. Lagt er upp til eina javna og spennandi uppgerð, men har staðfestast kann, at ovastu borðini hjá Emiratunum higartil hava staðið seg sera væl.

 

Albania er seedað 15 pláss frammanfyri Føroyar og vóru Albania sostatt favorittar í uppgerðini.  

(0-1) IM Helgi Dam Ziska (2439) – IM Dritan Mehmeti (2415)
(0-1) Olaf Berg (2274) – IM Seitaj Ilir (2390)
(½-½) FM Carl Eli Nolsøe Samuelsen (2262) – FM Lorenc (2276)

(1-0) Jóan Hendrik Andreasen (2217)– FM Harallamb Boshku (2314)

Á 1. og 2. borði telvdu Helgi og Olaf ágangandi, eftir at miðspælið var lagt afturum, men gav hetta baksláttur og taptu báðir ruddiliga, tá avtornaði.

Carl Eli var hinvegin ongantíð í vanda og telvdi trygt javnleikin til høldar.

Dagsins detalju borðreiddi Jóan Hendrik við, tá hann í jøvnum endaspæli – úr nærum ongum – heilt óvæntað, men ikki minst snøgt, setti Boshku mát á miðjum borði við riddaraskáki.

Í 9. umfari er mótstøðulandið Zambia, sum er seedað nr. 120, t.v.s. væl lægri enn Føroyar, sum er seedað nr. 83.

Tískil verður doyin lagdur á, at vinna uppgerðina.

(½-½) GM Carlos Franco S Matamoros (2542) – IM Helgi Dam Ziska (2439)
(½-½) IM Daniel Mieles Palau (2422) – IM John Rødgaard (2352)
(0-1)   IM Bryan Macias Murillo (2377) – Olaf Berg (2274)

(½-½) IM Alberto Santos Flores (2356) – FM Carl Eli Nolsøe Samuelsen (2262)

Men eftir skjótar – góðar – javnleikir til Helga, John og Carl Eli, har millum lítið og onki hendi, áðrenn menn samdust um javnt, skuldi orrustan avgerðast í talvinum ímillum Olaf Berg og altjóða meistaran, IM Bryan M. Murillo.

Føroyameistarin lá ikki á boðunum, helt á at trýsta við svarta fólkinum í einum frálíka góðum og spennandi talvi, sum vardi heilar 5 tímar og har Olaf støðugt fann røttu loysnirnar. Men Murillo vildi treyðugt ásanna tapið. Vildi hava Olaf at prógva, at hann kundi vinna við bispi og riddara, ímóti kongi. Hóast tíðarneyð – og eftir 116 leikir – varð mátið veruleiki og harvið samlaði sigurin. Sera gott avrik hjá Olafi.

Sigurin á Ekvador inniber, at Føroyar hála seg 18 pláss upp eftir stigatalvuni og er nú nr. 63 av teim 149 luttakandi tjóðunum, nú 4 umfør eru eftir í OL 2010 – hetta er 20 pláss fremri enn uppruna seedingina.

Í 8. umfari er mótstøðulandið Albania, sum er seedað nr. 68, t.v.s. 15 pláss fremri enn Føroyar. Sostatt er lagt upp til sera javna og spennandi uppgerð.

 

 

 (½-½) FM Carl Eli Nolsøe Samuelsen (2262) – IM Andrey Kvon (2448)

Men føroyska manningin stríddist væl í uppgerðini. Olaf Berg fekk skjótan og góðan javnleik ímóti GM Barsov. Carl Eli fekk somuleiðis javnt, hóast býtismun minni. Telvdi trygt og lat ikki Kvon koma framat.

Og tað eydnaðist tíverri ikki Helga Dam Ziska at fáa úrtøku ímóti fyrrverandi heimsmeistaranum, Kasimdzanhov. Telvað varð út í endaspælið, tá usbekin dróg longra stráðið.

Tað sá rættiliga gott út hjá Rødgaard ta einu løtuna og ikki var óhugsandi, at ein sigur var at hóma. Men spell var tað, at stig hóast hetta ikki spurdist burturúr.

Í 7. umfari er mótstøðulandið Ecoador, sum er seedað nr. 65, t.v.s. uml. 20 pláss fremri enn Føroyar.

 

Kravið til dystin var tó ein sigur, men javnleikur hevði ikki verðið nøkur katastofa. Tá samanumkom, vunnu Føroyar 3 – 1 á Uganda – eitt gott úrslit, ið samstundis ber við sær sterkari mótstøðu í 6. umfari. Tá møta Føroyar Uzbekistan (seeding 33), sum hevur Rustam Kasimdzhanov á fyrsta borði. Hann er fyrverandi heimsmeistari i talvi, so talan er um dygga mótstøðu.

Talvini í dag vóru annars øll á einari góðari leið. Helgi sat yvir fyri fyrstu ferð, so John fekk kjansin á 1. borði. John telvaði væl, men yvirsá vinnandl leikgongdina og talvið fjaraði út í remis.

Olaf heldur stílin, enn eitt stig til Føroymeistaran. Eitt fínt talv frá Olafi, sum veruligani er í toppformi fyri tíðina.

Carl Eli hevði svarta fólkið á 3. borði. Við einari finnu minni og verri tíð, bjóðaði Carl Eli javnt. Mótstøðumaðurin hugsaði í 25 min. og tók av. Seinni vísti tað seg, at Carl Eli als ikki hevði so galna støðu, men góðtikið úrslit.

Jóan Hendrik fekk heilt stig ídag, eftir drúgt talv. Fyrimunurin var allatíðina til Jóan Hendrik – óført !

Myndir koma so hvørt inn á myndasavnið.