FM 2011: 7. umfar

Landsliðsbólkurin

Støðan í landsliðsbólkinum eftir sjey umfør er, at Helgi Dam Ziska og John Rødgaard liggja javnir á odda við 5½ stigi. Á triðja plássi hevur Carl Eli Nolsøe Samuelsen 4½ stig.

Langa fríggjadag hevur Helgi svarta fólkið móti Eyðuni Nolsøe, og Rødgaard hevur hvíta fólkið móti Hans Kristiani Simonsen.

Telvað verður kl. 14:00.

 

Úrslit í sjeynda umfari:

Helgi Dam Ziska – Carl Eli Nolsøe Samuelsen½-½

Sjúrður Thorsteinsson – John Rødgaard 0-1

Hans Kristian Simonsen – Ólavur Simonsen 0-1

Torbjørn Thomsen – Eyðun Nolsøe ½-½

Finnbjørn Vang – Rógvi Egilstoft Nielsen ½-½

 

Stigatalvan eftir sjey umfør:

Helgi Dam Ziska 5½

John Rødgaard 5½

Carl Eli Nolsøe Samuelsen 4½

Sjúrður Thorsteinsson 4

Ólavur Simonsen 4
Hans Kristian Simonsen 3½
Torbjørn Thomsen 2½

Rógvi Egilstoft. Nielsen 2

Eyðun Nolsøe 2

Finnbjørn Vang 1½

Unglingabólkurin
Í kappingini um føroyameistaraheitið fyri unglingar stendur kappingin millum Silas Eyðsteinsson úr Sandavágs Talvfelag ogSjúrð Olsen úr Vestmanna Talvfelag. Hetta gjørdist greitt, eftir at Sjúrður skírisdag vann á Rúni T. Jacobsen. Silas hevur 6½ stig og Sjúrður 5½. Eli W. Finnson og Rúni T. Jacobsen hava 4 stig á triðja plássi.

 

Almenni bólkurin
Í almenna bólkinum økti Høgni Egilstoft Nielsen um oddastøðu sína, tá hann vann sítt talv, meðan Jákup á Rógvi Andreasen telvaði javnt.

Eftir sjey umfør hevur Høgni 6½ stig meðan Jákup hevur 5½ stig. Jón Mikkelsen hevur 4½ stig á triðja plássi.

 

Øll úrslit og allar støður síggjast undir FM 2011