Talvsamband Føroya Faroechess

Tað reið um snarið! Sandavágsmenn mundu gjørt bart og tikið øll á bóli í avgerandi dystinum um FM-heitið í seinasta umfari í landskappingini í talvi í dag. Neyvan nakar hevði grunað, at Sandavágs Talvfelag fór at leggja oddaliðið hjá Havnar Telvingarfelag afturum seg í endaspurtinum, tí til tess kravdist ein ógvuliga ruddiligur sigur í sinámillum finaludystinum, men tað mundi lukkast.

Leygarmorgunin 18. mars klokkan 10 verða fyrstu leikirnir fluttir í øllum dystum í seinasta umfari í landskappingini fyri lið í talvi 2017. Telvað verður í Gula Skúla við Landavegin í Havn. Innkoyring er við gamla Restorfs Bryggjarí. Løgmaður, Aksel V. Johannesen, flytur fyrsta leikin í toppdystinum millum oddaliðini Havnina og Sandavág. Umboð fyri Tórshavnar Býráð handar vinnandi liðum steyp og heiðursmerki, tá liðugt er seinnapartin.

Síðsta umfar í liðkappingin verður telvað í Gula skúla í Tórshavn 18.03.2017 kl. 10.00. Spenningurin er so stórur, at nógv lið kunnu enda jøvn. Í reglunum fyri liðkappingina stendur hetta:

Nýggj leiðsla hevur tikið við í elsta talvfelagnum í landinum. Ein fyribils arbeiðsnevnd hevur stjórnað felagnum í nøkur ár, men í gjárkvøldið var heilt nýggj nevnd vald á fyrsta regluliga aðalfundi felagsins í eini fýra ár.

Bjóðað verður til Føroyameistaraskapið í talvið 2017, ið verður hildið í Løkshøll, Runavík, í døgunum 08/04-2017 til 15/04-2017. Telvað verða 9. umfør. Umhugsunartíðin er 90 minuttir til fyrstu 40 leikirnar. Síðani verða 15 minuttir lagdir afturat klokkuni. Frá fyrsta leiki verða 30 sek. løgd afturat fyri hvønn fluttan leik.   Teir hægst rataðu (Elo-tal verður brúkt) luttakararnir telva í Landsliðsbólkinum um Føroya Meistaraheitið í Talvi 2017. Næstu telvararnir mynda 1. Bólk og  Almenna bólkin. Unglingar telva  um FM-heitið fyri unglingar.

Tíðindaskriv:   Føroyski telvarin Helgi Dam Ziska hevur fingið nýggjan høvuðsstuðul, sum eitur Føroya Tele. Í dag undirskrivaðu partarnir eina stuðulsavtalu, ið er galdandi í eitt ár.

FM endabresturin í Liðkappingini 2017 verður telvaður í Gula Skúla, Tórshavn, leygardagin 18. mars. Byrjað verður kl. 10.00 stundisliga. Møt í rúmari tíð undan. Havnar Telvingarfelag skipar fyri kaffisølu meðan telvað verður. Eftir seinasta leik bjóðar talvfelagið lættari ábit.   Vart skal gerast við, at í seinasta umfarinum í liðkappingini er ikki loyvt  telvarum at flyta niður í lægri lið/deild.  Dømi: ein telvari, sum hevur telvað við 1. deild í 9. umfari, kann í 10. umfari ikki telva við lægri liði í 1. deild, ella nøkrum øðrum liði í eini lægri deild. Hesin regul er galdandi fyri allar deildir.

Onnur Open kapping, í hesum kappingarárinum, verður í Tórshavn vikuskiftið 24.-26. mars .

GP 7 verður í Sandavági leygardagin 11. mars kl. 10.00. Telvað verður í skúlanum á Giljanesi.