Talvsamband Føroya Faroechess

Í døgunum 22. mars - 2. apríl tók eg lut í árligu evropameistarakappingini fyri einstaklingar, sum varð hildin í hugnaliga býnum, Aix-les-Bains, fronskumegin Alpurnar. Eg hevði ikki meira enn sett fólkið upp eftir síðsta talvið í Reykjavík Open, fyrr enn leiðin gekk víðari til Fraklands, men tó at nógv kundi gingið betur í Reykjavík, var eg við gott mót eftir tveir sigrar í seinastu umførunum har. Eins og til Reykjavík Open var málið til EM fyrst og fremst at hava eina avriksrating oman fyri 2500 og síðani fara eftir GM-norminum, um høvið beyðst.  

Tøkk til fyriskiparar, hjálparfólk og telvarar.

Hjartaliga til lukku : 

IM Helgi Dam Ziska, Silas Eyðsteinsson, Høgni Egilstoft Nielsen og Karl Louis Johansen

Vinnarar í FM fyri einstaklingar í talvi 2011 !

Føroyameistaraskapurin í talvi fyri einstaklingar verður í hesum døgum hildin í Vestmanna.

Silas Eyðsteinsson úr Sandavágs Talvfelag er føroyameistari í talvi fyri unglingar. Áðrenn síðsta umfar leygardagin er hann 1½ stig fremstur og verður tí ikki tikin.

Steypurin í almenna bólkinum fer eisini til Sandavágs Talvfelag, til  Høgna Egilstoft Nielsen. Eftir átta umfør hevur hann bara latið ½ stig frá sær til mótstøðumenn sínar.

Í landsliðsbólkinum liggur Helgi Dam Ziska best fyri áðrenn síðsta umfar, ½ stig frammanfyri John Rødgaard. Helgi vann talv sítt í næstseinasta umfari, meðan Rødgaard telvaði javnt.

Føroyameistaraskapurin í talvi fyri einstaklingar verður í hesum døgum hildin í Vestmanna.

Spenningurin um hvør verður føroyameistari í talvi er vorðin uppaftur størri eftir 7. umfar skírisdag. Kappingin millum altjóða meistararnar Helga Dam Ziska og John Rødgaard er púra jøvn, nú bara tvey umfør eru efti at telva. Hetta gjørdist greitt, eftir at tað eydnaðist Carl Eli Nolsøe Samuelsen at fáa javnleik móti Helga, meðan Rødgaard vann sítt talv móti Sjúrði Thorsteinssyni.

Føroyameistaraskapurin í talvi fyri einstaklingar verður í hesum døgum hildin í Vestmanna.
Mikudagin varð 6. umfar telvað og lagt varð upp til ein spennandi toppdyst í landsliðsbólkinum millum Helga Dam Ziska og John Rødgaard, sum undan umfarinum lógu fremstir í kappingini við ávikavist 4½ stigi og 4 stigum. Spenningurin helt sær tó ikki longi, tí talvið endaði við einum skjótum javnleiki. Men stórur spenningur er í kappingini um føroyameistaraheitið, nú trý umfør eru eftir.

Føroyameistaraskapurin í talvi fyri einstaklingar verður í hesum døgum hildin í Vestmanna.
40 luttakarar eru við í kappingini. 10 í landsliðsbólkinum, 16 í almenna bólkinum, 6 í unglingabólkinum, og 8 í veteranbólkinum.
Veteranarnir byrja skírishósdag. Kappingin endar leygardagin.
 

FM í talvi fyri einstaklingar verður í hesum døgum leikt í Vestmanna. 40 luttakarar eru tilmeldaðir. 10 í landsliðsbólkinum, 16 í almenna bólkinum, 6 í unglingabólkinum, og 8 í veteranbólkinum. Veteranarnir byrja skírishósdag. Kappingin endar leygardagin. 3. og 4. umfør blivu leikt í dag. Eftir 4 umførum kann staðfestast, at teir ovast styrksimettu hava livað upp til favorittleiklutin. Helgi Dam Ziska hevur lagt seg á odda við 3½ stigum. Honum á baki koma John Rødgaard og Ólavur Simonsen við 3. stigum. Carl Eli N. Samuelsen og Hans Kristian Simonsen hava 2½ stig. Helgi og Ólavur bresta saman í oddabraki í morgin. Talvini byrja kl. 14.00. Støðan eftir 4 umfør: Helgi Dam Ziska 3½ John Rødgaard 3 Ólavur Simonsen 3 Carl Eli N. Samuelsen 2½ Hans Kristian Simonsen 2½ sjúrður Thorsteinsson 2 Torbjørn Thomsen 1½ Finnbjørn Vang 1 Eyðun Nolsøe ½ Rógvi E. Nielsen ½ Í unglingabólkinum eru 3 umfør telvaði. …

Vestmanna Talvfelag skipar í døgunum 16 apríl til og við 23 apríl 2011, fyri FM kappingingin fyri einstaklingar. Kappast verður í landsliðsbólkinum, almennum bólki, unglingar og so verður eisini ein eldra bólkur. Kappingin Kappingin fer fram í aulini í Vestmanna Skúla í døgunum frá 16 apríl til og við 23 apríl. Landsliðsbólkurin, og almennur bólkur telva soleiðis: Leygardagin    16.04     kl. 14.00 Sunnudagin    17.04      kl. 14.00 Mánadagur     18.04     kl. 10.00 Mánadagur     18.04     kl. 16.00 Týsdagur        19.04     kl. 14.00 Mikudagur       20.04.    kl. 14.00 Hósdagur        21.04     kl. 14.00 Fríggjadagur   22.04     kl.  14.00 Leygardagur  23.04      kl.  10.00 Unglingar telva soleiðis: Leygardagin    16.04     kl. 14.00 Sunnudagin    17.04      Frí (konfirmatión) Mánadagur     18.04     kl. 10.00 Mánadagur     18.04     kl. 16.00 Týsdagur        19.04     kl. 10.00 Týsdagur        19.04     kl. 14.00 Mikudagur       20.04.    kl. 10.00 Mikudagur       20.04    kl.  14.00 Hósdagur        21.04     kl. 14.00 Fríggjadagur   22.04     kl.  14.00 Leygardagur  23.04      kl.  10.00   Telvað verða 9. umfør. Umhugsunartíðin er 90 minuttir til fyrstu 40 …

Paringarnar fyri 1. umfar eru nú gjørdar. Sí leinkju á vinstra bredda.

Sára Traber Olsen, úr Tórshavn, vísti enn einaferð NM-styrki, tá hon í vikuskiftinum vann NM-bronsu í talvi fyri gentur, sum varð telvað í Jetsmark í Danmark í vikuskiftinum.  Umframt Sáru, sum vann bronsuna í U16 bólkinum, luttók eisini evnaríka Hanna Jacobsen, úr Kollafirði, í U13 bólkinum.  Sára sýntist sera trupul at knógva sum kappingin leið, men eftir tap í 4. umfarinum, varð avgerandi neyðugt við sigri í 5. og seinasta umfarinum. Tað megnaði 15 ára gamla havnargentan.  Hanna sýndi somuleiðis góð talvevnir í kappingini, sum tó ikki rakk til heiðursmerki hesuferð. Lítið er tó at ivast í, at 11 ára gamla Kollfjarðagentan, kemur sterkt aftur. Talvsambandið sendir á hvørjum ári evnaríkar gentur til NM-kappingina.  Kelda: Jógvan Joensen, Sosialurin